Tîm Arweinyddiaeth
Tîm Addysg ac Ymgysylltu
Timau Genomeg Ymchwil
Cyfleuster Genomeg
Mae Karen yn arwain y timau ymchwil ym Mharc Geneteg Cymru sy'n ymdrechu i sicrhau bod technolegau ac arbenigedd genomig ar gael i ymchwilwyr ledled Cymru. Mae ei diddordebau ymchwil yn cwmpasu'r defnydd o fodelau cynglinigol o glefyd i archwilio'r digwyddiadau moleciwlaidd critigol sy'n cyfrannu at gychwyn a datblygiad tiwmorigenesis (yn y coluddyn a'r afu yn bennaf).
Mae Shelley yn cynnig 30 mlynedd o arbenigedd labordy i'r Tîm Cyfleuster Genomeg, o gysylltu cadwyni A ricin â gwrthgyrff ar gyfer therapi tiwmor wedi'i dargedu i'w rôl bresennol yn cefnogi’r gwaith o baratoi llyfrgelloedd Dilyniannu Cenhedlaeth Nesaf. Mae’n rhan o dîm sy'n ymdrechu i ddarparu cymorth wedi'i bersonoli i'n hymchwilwyr yng Nghymru.
Mae gan Vikki dros 22 mlynedd o brofiad labordy yn gweithio ym meysydd bioleg ficrobaidd a moleciwlaidd. Yn ystod y 16 mlynedd y bu’n gweithio i Barc Geneteg Cymru, mae Vikki wedi bod yn rhan o'r holl newidiadau a datblygiadau sydd wedi digwydd ar lwyfannau NGS ac o ran gweithdrefnau labordy.
Ar ôl treulio ychydig flynyddoedd ar ôl cwblhau ei BSc mewn Biocemeg yng Nghaerdydd yn y diwydiant bragu, mae Rob wedi ailymuno'n eiddgar â’r criw gwyddoniaeth labordy arloesol ym Mharc Geneteg Cymru. Gyda diddordeb brwd mewn genomeg mewn meddygaeth wedi'i bersonoli ac archwilio technegau newydd, mae Rob yn cefnogi'r labordy a thimau biowybodeg gyda gweithgareddau o ddydd i ddydd.
Tîm Biowybodeg
Mae cefndir Iain yn cynnwys amrywiaeth eang o bynciau ymchwil gan gynnwys genomeg a thrawsgrifiadomeg o addasu uchder uchel, a dadansoddiad E-DNA o samplau dŵr o Affrica i gylch yr Arctig ar gyfer Infertebratau, Pysgod, Algâu a Bacteria. Gan weithio o fewn y tîm biowybodeg, mae Iain yn ymddiddori mewn dulliau dadansoddi newydd a datblygu a darparu hyfforddiant ym maes biowybodeg.
Ac yntau wedi ymuno â Pharc Geneteg Cymru fel Biowybodegydd yn 2020, daw Sam â gwybodaeth gyfoes a gafwyd drwy astudio ar gyfer MSc mewn Biowybodeg ym Mhrifysgol Caerdydd ynghyd â diddordeb brwd mewn oncoleg ac anhwylderau seiciatryddol. Ac yntau’n awyddus i ddatblygu cydberthnasau gwaith cynhyrchiol, mae gan Sam brofiad mewn amrywiol ddadansoddiadau RNA-Seq gan gynnwys dadansoddiad RNA-Seq un gell a phiblinellau canfod genynnau ymasiad.
Integreiddio Genomeg â SAIL
Kerina yw arweinydd Parc Geneteg Cymru ar gyfer integreiddio genomig â chronfa ddata SAIL. Trwy ei rôl fel y Cyfarwyddwr Cyswllt ar gyfer Llywodraethu Gwybodaeth ac Ymgysylltu â'r Cyhoedd (IG&PE), mae Kerina yn gweithio i sicrhau diogelwch data ac i wneud y mwyaf o ddefnyddioldeb data sy'n gymdeithasol-dderbyniol ar draws yr amrywiol fentrau Gwyddoniaeth data poblogaeth, gan gynnwys: Cronfa Ddata SAIL, Canolfan Ymchwil Data Gweinyddol Cymru, a chydweithrediad HDRUK.
Mae Beata yn Swyddog Cronfa Ddata Glinigol ac, ar hyn o bryd, mae’n gweithio ar ddatblygu system ar gyfer creu setiau data strwythuredig o ddata clinigol anstrwythuredig gan ddefnyddio cymhwysiad Prosesu Iaith Naturiol. Mae hi hefyd yn curadu cronfa ddata Epilepsi Clinigol Abertawe.
Cyfleuster Golygu Genomeg
- Prof. Nick Allen
Arweinydd Golygu Genomau - Bridget Allen
Rheolwr Ymchwil Golygu Genomau
Prosiectau Partneriaeth y GIG
- Dr. Kevin Ashelford
Arweinydd y Strategaeth Data a Seilwaith TG (wedi’i ariannu gan Barc Geneteg Cymru) - Christian Files
Biowybodegydd Ymchwil wedi’i ymgorffori yng Ngwasanaeth Genomeg Feddygol Cymru Gyfan
Moeseg Ymchwil a Chymorth Prosiect
- Laura Butlin
Cydlynydd Ymchwil
Tîm Rheoli Gweithredol
Mae tîm rheoli gweithredol a ffurfiwyd o blith yr arweinwyr allweddol ar gyfer gweithgarwch ym Mharc Geneteg Cymru ynghyd ag academyddion Prifysgol yn cyfarfod yn rheolaidd i arwain cyfeiriad gweithredol Parc Geneteg Cymru ac i drafod a datblygu ein strategaeth i gefnogi genomeg yng Nghymru. Mae’r tîm hwn yn cael ei gefnogi gan bwyllgor cynghori allanol sy’n adolygu ein gweithgarwch ac yn rhoi cyngor ac arweiniad strategol hirdymor.
Parc Geneteg Cymru
|
Arweinwyr Academaidd
|
